عدلیہ مخالف توہین آمیز ویڈیو از خود نوٹس: تاخیر سے ایکشن لینے پر عدالت برہم

دوران سماعت عدالتی استفسار پر خالد جاوید خان نے بتایا کہ جج کی اہلیہ کی درخواست پر پولیس نے معاملہ ایف آئی اے کو بھجوا دیا ہے اور اب کارروائی شروع کر دی گئی ہے۔ چیف جسٹس نے کہا کہ ایف آئی اے کو کچھ کرنا نہیں آتا۔ جسٹس اعجازالاحسن نے ریمارکس دیئے کہ ویڈیو میں ملک کے ادارے کو دھمکی دی گئی، جج کا نام تضحیک آمیز انداز سے لیا گیا، ریاستی مشینری نے ایکشن تاخیر سے کیوں لیا ؟۔